KVENNABLAÐIÐ
Ísland 25. mars 2017
Steinunn Ólína Þorsteinsdóttir
Ritstjóri
Steinunn Ólína Þorsteinsdóttir er dóttir hjónanna Bríetar Héðinsdóttur leikkonu og leikstjóra og Þorsteins Þorsteinssonar þýðanda og rithöfundar. Steinunn er fædd í Reykjavík og ólst þar upp en dvaldi flest sumur norður í landi hjá föðurömmu sinni og föðurbróður. Steinunn lærði leiklist í Bretlandi og var fastráðin leikkona við þjóðleikhúsið um árabil en einnig lék hún hjá Alþýðuleikhúsinu, Leikfélagi Akureyrar, Loftkastalanum og Leikfélagi Reykjavíkur. Steinunn vann við dagskrárgerð hjá RUV og stjórnaði m.a. sjónvarpsþættinum,  Á Milli Himins og jarðar, um tveggja vetra skeið. Steinunn gaf út metsölubókina, Í fylgd með fullorðnum sem kom út hjá JPV 2005. Steinunn var pistlahöfundur hjá Morgunblaðinu um nokkurra ára skeið og er starfandi pistlahöfundur hjá Fréttablaðinu. Steinunn hefur búið ásamt eiginmanni sínum Stefáni Karli Stefánssyni leikara í Kalíforníu síðan 2005. Steinunn og Stefán eiga fjögur börn þau Bríeti Ólínu, Elínu Þóru, Júlíu og Þorstein.

 

Soffía Steingrímsdóttir
Framkvæmdastjóri
Soffía Steingrímsdóttir er alin upp í Hafnarfirði og hefur búið þar alla ævi fyrir utan nokkur ár í Los Angeles og í London. Útskrifaðist sem hjúkrunarfræðingur frá HÍ 1994 og hefur starfað sem slíkur á Íslandi og í Los Angeles. Stofnaði femin.is árið 2000 og femin.co.uk nokkrum árum síðar. Soffía hefur sett upp og rekið fjöldan allan af netverslunum. Stofnaði POPpeople í upphafi árs 2012 sem þjónustar fjöldan af fyrirtækjum í markaðssetningu á samfélagsmiðlunum með áherslu á facebook ásamt því að setja upp vefsíður fyrir einstaklinga og fyrirtæki. Er gift Ragnari Agnarssyni og á þrjú frábær börn, Hildi, Mikael og Thelmu, hundinn Úlf og köttinn Dimmalimm.