Hvað kostar mjólkin?
Við bárum saman verð í þremur búðum. Mjólkurfernan kostar næstum það sama alls staðar.
Kvennablaðið skoðaði verð á mat í þremur búðum: Bónus, Krónunni og Nettó.
Einn lítri af nýmjólk kostaði 291 krónu í Bónus og 292 krónur í Krónunni. Í Nettó kostaði hún 304 krónur, en það verð var skráð fyrr í október.
Í Bónus og Krónunni munaði bara einni krónu.
Stundum eru vörur á tilboði. Þá eru þær ódýrari í stuttan tíma. Í Nettó kostuðu fjögur lífræn epli 389 krónur á tilboði, en 649 krónur áður.
Engin búð borgar Kvennablaðinu fyrir þetta. Þetta er ekki auglýsing.
Stórar tölur í mjólkurfernum
Ríkið ætlar að borga um 600 milljónir króna á ári fyrir Loftbrú. Fyrir þá upphæð mætti kaupa um tvær milljónir mjólkurferna! Fleiri dæmi eru á síðunni Hvað kostar þetta í mjólkurfernum?
Orðið
- Tilboð
- Þegar búð selur vöru ódýrari en venjulega, í stuttan tíma.
- Ferna
- Umbúðir úr pappa utan um mjólk eða safa.
- Auglýsing
- Þegar einhver borgar fyrir að segja frá vöru, svo að fólk kaupi hana.
Hvað finnst þér?
Ef þú fengir að velja í matinn fyrir fjölskylduna í eitt kvöld, hvað myndir þú setja í körfuna?
Ræddu það við einhvern heima eða í skólanum. Þú þarft ekki að senda okkur svarið.Teiknaðu fréttina
Náðu í blað og liti og teiknaðu innkaupakörfu fulla af uppáhaldsmatnum þínum. Myndin er bara þín.
Fyrir fullorðna
Fyrir fullorðna: lesa fréttinaÞessi frétt er einfölduð útgáfa af frétt Kvennablaðsins. Þar eru allar heimildir. Helstu heimildir: